কামৰূপ জিলাৰ শুৱালকুছিত অসম এথলেটিক সন্থাৰ উদ্যোগত অনুষ্ঠিত হৈ থকা ৫৭ সংখ্যক ক্ৰছ কান্ট্ৰী ৰাষ্ট্ৰীয় এথলেটিকছ চেম্পিয়নশ্বিপৰ ক্ৰীড়াস্থলীত উপস্থিত হয় মুখ্যমন্ত্ৰী ড° হিমন্ত বিশ্ব শৰ্মা।এই প্ৰতিযোগিতাত সমগ্ৰ দেশৰ ৬৬৯ গৰাকী খেলুৱৈ অংশ গ্ৰহণ কৰিছে।
ক্ৰীড়াস্থলীত উপস্থিত হৈ মুখ্যমন্ত্ৰী গৰাকীয়ে কয় যে এই প্ৰতিযোগিতাই স্থানীয় যুৱ প্ৰজন্মৰ খেলুৱৈসকলৰ বাবে ক্ৰীড়াক কেৰিয়াৰ হিচাপে লোৱাতো উৎসাহিত কৰিব।এনেধৰণৰ বৃহৎপৰিসৰৰ প্ৰতিযোগিতা আয়োজন কৰাৰ বাবে তেওঁ স্থানীয় শুৱালকুছি বাসী ৰাইজৰ প্ৰতিও কৃতজ্ঞতা জ্ঞাপন কৰাৰ লগতে এথলেটিক সন্থাকো মুখ্যমন্ত্ৰীয়ে প্ৰশংসা কৰে।
মুখ্যমন্ত্ৰীৰ এই পৰিদৰ্শনৰ সময়ত অসম অলিম্পিক সন্থাৰ সম্পাদক লক্ষ্য কোঁৱৰৰ লগতে অন্যান্য কৰ্মকৰ্তাসকল উপস্থিত থাকে।