দেওঁবাৰে নিশা বৰগাঁৱত গাৰেঘুলিত সংঘটিত এই জঘন্য কাণ্ডই জোকাৰি গৈছে সমগ্ৰ মহানগৰী । পৰকীয় প্ৰেমৰ পৰিণতিত মহিলাক হত্যা কৰি আত্মহত্যা এজনৰ । ৰীতা দাস নামৰ মহিলাকগৰাকীক নিৰঞ্জন গোহাঁই নামৰ লোকজনে নৃশংসভাৱে হত্যা কৰে । তাৰ পিছতে কেইগৰাকী সদস্যক লোহা আৰু চোকা অস্ত্ৰৰে আক্ৰমণ কৰে বুলি জানিব পৰা গৈছে । নিৰঞ্জন গোহাঁই নামৰ লোকজনে মহিলাগৰাকীৰ স্বামীসহ দুই সন্তানক আক্ৰমণ কৰে । ফলত গুৰুতৰভাৱে আহত হয় স্বামীসহ সন্তান ।এই ঘটনা সংঘটিত কৰিয়েই অভিযুক্ত নিৰঞ্জনে আত্মহত্যা কৰে । দীৰ্ঘ দিন ধৰি ৰীতা দাস আৰু নিৰঞ্জনৰ অবৈধ প্ৰেমৰ সম্পৰ্ক থকাৰ কথা পোহৰলৈ আহিছে । ১৩ বছৰ পূৰ্বে বিবাহপাশত আৱদ্ধ হৈছিল ৰীতা দাস । প্ৰায় ৩ বছৰ পূৰ্বে ৰীতা নিৰঞ্জনৰ সৈতে পলাই গৈছিল । ইয়াৰ পিছত পুনৰ স্বামী-সন্তানৰ কাষলৈ উভতি আহিছিল । এই সমগ্ৰ ঘটনা সন্দৰ্ভত মহামগৰ আৰক্ষী উপস্হিত হৈ তদন্ত প্ৰকিয়া আৰম্ভ কৰিছে । ইফালে আঘাতপ্ৰাপ্ত স্বামী সন্তানক জি এম চি এইচত ভৰ্তি কৰোৱা হৈছে ।